Esta liña estratéxica busca promover a colaboración entre entidades mediante ferramentas para transferir coñecemento e tecnoloxía, difundir boas prácticas e reforzar a capacidade investigadora. Tamén fomenta a sensibilización de estudantes e da cidadanía para promover hábitos responsables no coidado da auga e do medio ambiente.

Esta liña estratéxica dá resposta a outro dos obxectivos principais da rede, relacionado coa creación dun foro de encontro entre as entidades que a conforman para identificar desafíos, detectar oportunidades de colaboración, impulsar novas iniciativas e promover sinerxías entre os membros da rede.

Obxectivos específicos:

• Promover actuacións e proxectos de colaboración público-privada de investigación, desenvolvemento e innovación en relación coas liñas estratéxicas temáticas.
• Identificar e amosar as capacidades das entidades: oferta e demanda de capacidades e servizos tecnolóxicos.
  Fomentar a colaboración entre os axentes.
• Identificar lagoas, desafíos, oportunidades de colaboración e sinerxías en relación coas liñas estratéxicas temáticas.
• Dar a coñecer iniciativas, estudos e proxectos relevantes a nivel nacional, europeo e internacional.
• Identificar retos, desafíos e oportunidades derivados dos requirimentos da implementación da normativa comunitaria sobre calidade da auga e tratamento de augas residuais.

Esta liña estratéxica configúrase como un espazo de encontro entre as organizacións responsables do control e xestión da calidade das masas de auga fluviais, mariñas e costeiras, e aquelas que desenvolven coñecemento, ferramentas, protocolos, tecnoloxías e servizos para a determinación de contaminantes e dos seus produtos de transformación, así como para a implementación de sistemas de monitorización e modelización da presenza e distribución destes contaminantes.

Obxectivos específicos:

• Mellorar o coñecemento e as capacidades de determinación cuantitativa e cualitativa dos CECs e dos seus produtos de transformación nas masas de auga, mediante a investigación e desenvolvemento de tecnoloxías, protocolos, ferramentas e metodoloxías que permitan a automatización, axilidade e redución de custos.
• Mellorar as capacidades de monitorización de contaminantes.
• Fomentar o intercambio de coñecementos, experiencias e información entre as organizacións que traballan neste ámbito.
• Dar a coñecer as capacidades das organizacións en relación coa determinación e monitorización de contaminantes.
• Fomentar a colaboración entre os membros da rede para mellorar e facilitar a implementación da normativa sobre calidade da auga e tratamento de augas residuais no que atinxe á determinación e seguimento de contaminantes.

Esta liña estratéxica ten como obxectivo principal avaliar e coñecer os efectos da presenza dos CECs nas masas de auga e os seus posibles impactos nos ecosistemas mariños e costeiros, así como na saúde humana. Pretende ser un foro de encontro entre as organizacións dedicadas á monitorización e xestión da calidade das masas de auga e aquelas que desenvolven coñecemento, estudos e ferramentas ecotoxicolóxicas para avaliar o risco e impacto da presenza de contaminantes no medio acuático.

Obxectivos específicos:

• Mellorar o coñecemento sobre a toxicidade e bioacumulación de contaminantes en distintos niveis tróficos e sobre a concentración máxima na que non se observan efectos negativos na biota ("predicted no-effect concentration" – PNECs).
• Mellorar o coñecemento sobre os riscos e impactos das mesturas de contaminantes.
• Promover o uso de ferramentas ecotoxicolóxicas nos sistemas de monitorización de contaminantes nas masas de auga.
• Fomentar o uso de ferramentas ecotoxicolóxicas na avaliación da eficiencia dos tratamentos implantados nas estacións depuradoras de augas residuais (EDAR).
• Mellorar as capacidades de predición da presenza e distribución de contaminantes mediante ferramentas de modelización.
• Dar a coñecer as capacidades das entidades no desenvolvemento e aplicación de ferramentas ecotoxicolóxicas e na avaliación do risco ambiental.
• Fomentar a colaboración e o intercambio de coñecementos entre os membros da rede para facilitar a implementación da normativa comunitaria en materia de prevención de riscos e mitigación dos impactos dos CECs nas masas de auga.

Esta liña estratéxica pretende mellorar o coñecemento sobre as tecnoloxías de tratamento de augas urbanas, con especial atención aos tratamentos avanzados, incluíndo tecnoloxías específicas e a combinación destas para eliminar contaminantes emerxentes. Ademais, pretende fomentar o uso de auga rexenerada mediante a análise do grao de depuración necesario segundo o uso previsto. 

Obxectivos específicos: 

• Mellorar o coñecemento sobre a eficiencia das diferentes tecnoloxías, individuais ou combinadas, para eliminar contaminantes emerxentes. 
• Aumentar o coñecemento sobre o impacto da implantación de tratamentos avanzados, tanto dende o punto de vista económico como ambiental (análise do ciclo de vida). 
• Intercambiar experiencias e coñecementos sobre a implantación de tecnoloxías e o desenvolvemento de proxectos de reutilización da auga, incluída a aceptación social destas solucións. 
• Establecer sinerxías entre as entidades responsables da xestión das estacións depuradoras de augas residuais (EDAR) e as que desenvolven tecnoloxías de tratamento. 
• Apoiar a implementación dos requisitos da Directiva de Augas Residuais Urbanas e do Regulamento de Reutilización de Augas (2020/741). Impulsar a reutilización das augas mediante o desenvolvemento de novos proxectos piloto e de demostración.

Esta liña estratéxica busca promover a colaboración entre entidades mediante ferramentas para transferir coñecemento e tecnoloxía, difundir boas prácticas e reforzar a capacidade investigadora. Tamén fomenta a sensibilización de estudantes e da cidadanía para promover hábitos responsables no coidado da auga e do medio ambiente.

Esta liña estratéxica dá resposta a outro dos obxectivos principais da rede, relacionado coa creación dun foro de encontro entre as entidades que a conforman para identificar desafíos, detectar oportunidades de colaboración, impulsar novas iniciativas e promover sinerxías entre os membros da rede.

Obxectivos específicos:

• Promover actuacións e proxectos de colaboración público-privada de investigación, desenvolvemento e innovación en relación coas liñas estratéxicas temáticas.
• Identificar e amosar as capacidades das entidades: oferta e demanda de capacidades e servizos tecnolóxicos.
  Fomentar a colaboración entre os axentes.
• Identificar lagoas, desafíos, oportunidades de colaboración e sinerxías en relación coas liñas estratéxicas temáticas.
• Dar a coñecer iniciativas, estudos e proxectos relevantes a nivel nacional, europeo e internacional.
• Identificar retos, desafíos e oportunidades derivados dos requirimentos da implementación da normativa comunitaria sobre calidade da auga e tratamento de augas residuais.